والله طريقة حلوة ان شاء الله ما استخدمها
ذكرتيني بحادثة حصلت لي في طريقي الى الحج كنت في الباص ومقسمين الرجال امام و النساءخلف وراعي الباص الله يدخله الجنة بطي بزيادةرفع الضغط وتعرفون الطريق من الرياض الى مكة طويل المهم اني راكبة من السادسة الصبح ومن التعب في الليل حاولت انام بس هيهات يأتي لاني ما احب النوم في السيارة ولا أقدر الزبدة هرجي واجد ههه ههه ههه على الساعة 3الليل مني قادرة اركز الي يشوفني يقول شاربة شيء ويدق أخوي وكان مع الرجال قدام يتصل يقول ترى بعد شوي بنوقف الاحرام المهم رن الجوال كلمته واغلقت السماعة وكنت حاطة قدامي على الطاولة كأس موية وشنطة مفتوحة للجوال والبوك وعلبة مناديل فوضعت الجوال واغمضت عيني فاذا بي المس بيدي المنديل قد ابتل بالماء استغربت كيف الموية انكبت ففتحت عيني على الصاعقة جوالي فوسط الكأس اخذته بسرعة فاذا به قد تشرب ماءاً واذا رعصت على الازرار تذكرون لعبة ابو ريالين اللي فيها سهمين وموية وحلقات صغيرة توضع في الاسهم اذا رعصت الزر جوالي صار مثله وللأسف قلت على جوالي السلام بالرغم من انه هدية من الوالد الله يحفظه بعد التخرج وكان لسى طالع في السوق بس حسافة أوريك يا دلوعة تعرفين تصلحينه ولا تقولين لي