القضا بالقضا

موضوع: القضا بالقضا السبت ديسمبر 27, 2008 10:02 am

القضا بالقضا

لا تحاول تعيد بدمعتك ما مضـى
ما تداوي دموعك جرح طول البعاد

إنتهى الحب يا اللى بيننا وانقضـى
ولا بقى لك بقلبي غير ذكرى وداد

كنت أجيك بْخفوقٍ فيه حبّ ورضا
وكنت انته حبيبي غايتي والمـراد

وكنت أشوفك حياتي جوّها والفضا
وكنت يومٍ تغيب آموت هَمّ وْ نكـاد

بس خِذْها بْصَراحه القضا بالقضـا
ذوق كاسٍ شربته منْك اسمه عنـاد

يرفض القلب مثلك به ودادٍ حظـى
دامه انسان مثلك قطعةٍ من جمـاد

ما تعيش المشاعر في خفوقٍ فضى
كيف تبني ودادٍ له عنـادك عمـاد

يا فقير المشاعر، يا شتات الشظـا
المحبّه بوادي، وانـت والله بـواد

........................

(أمّي)

وش خانة (دبـي) وْبَحَرْهَـا
مادام شمس (دبي) مـا حَـدّ

تبكـي فيافيهـا وشجَـرْهَـا
والطيـر عيّـا مـا يـغـرّد

و(زعبيل) لى مظلم قصرْهَـا
ما به سوى صوت الصدى يْرِدّ

وِنْجوم تسـأل عـن بدرهـا
لى ينير داجي الليـل الاسـود

يـا شمعـة الـدار وسفرْهَـا
يا امّي مـن الشـوق آتوقـد

إن كان شِعْري مـا حصرْهَـا
الاشواق تظهـر فـي التنهـد

تجيب لـي النسمـه عطرهـا
لى يْغَار منّـه فايـح الـورد

القلـب ينبـض بـه ذكرهـا
وِطْيوفها فـي العيـن ترقـد

الله يطـولْ فــي عمـرْهَـا
وتبقـى لنـا وبعمرهـا يمِـدّ

وعساه مـا يطـولْ سفرْهَـا
وِلْنـا بخيـر انشـا الله تْـرِد

........................

أنا في الشعر

أنا في الشعر ابن هذاك إذا إنته تعَـرْف الشعـر
أهيجْ في البحور أمواج، أمشّيهـا علـى كيفـي

واقول لك لا تجاريني ترى أمشي بدربٍ وعـر
واذا تبغي تجاريني تـرى لـك صامـدٍ سيفـي

ولا تضمن تحوز النصر وانا بحرٍ وانتـه نهـر
واذا عارضت تيّاري تبـرّى موجـي وْسِيْفـي

وكم من واحدٍ غيرك تعرّض لي وجـاه الكسـر
ودارت به هبوب رْيَاح فـي أقـوى عواصيفـي

تهاجم سايل الأقلام وسطـرٍ مـا يهـزّه سطـر
وإنته وينهـا افكـارك عـن بْيوتـي وْتهديفـي

تبا روس العلا وانته تحوّل في طريقـك حـدر
تحاول بس ما تِقْـدَرْ بـأن توصـل مشاريفـي

نجوم الليـل ماتنـوِرْ إذا بيّـن شعـاع البـدر
وش اللي يجمع الوسمي على سحب ورْعد صيفي

تشوف الجاذبيّه لي فـي هالدنيـا تجـرّك جـر
أنا عكسه أفرّك ويـن مـا أبغـي علـى كيفـي

ابيات غاية في الروووووووعة تسلمي على الانتقاء الرائع

نجوم الليـل ماتنـوِرْ إذا بيّـن شعـاع البـدر
وش اللي يجمع الوسمي على سحب ورْعد صيفي

يعطيك العافيه ع مرورك

نورتي صفحتي