مقتطفات شعريه .." قنابل شعريه "

يبت لكم مقتطفات شعريه

وان شاء الله تنال على ذائقتكم الرفيعه ^^

.....

إزعل وعاند وإضرب براسك اللوح ،
ومن ماي البحر إشرب بكل إندفاعه !
وإن كان عندك بعض الكرامه ومجروح ،
إرحل بصمت وخل عندك شجاعه !
وش لك بقلب قالها اليوم بوضوح ،
أكرهك خذها قلتها عن قناعه !

ان جيت من غرب انا لاروح من شرقا..
لابارك الله في درب فيك يجمعني
وياللي على فراقه عيوني غدت غرقا..
كلي من اقصاي في حبك مغرقني
واللي طحا الارض وخلا هالسما زرقــــا..
لعلمك كيف تندم يوم تهجرني

‏الجرح غدرات الليالي تداويه
‏والدمع لوحدر من العين ارده
‏والشوق لو زود لهيبه نطفيه
‏وأوقفه في عزة النفس حده
‏واللي يخون الحب مالي نظر فيه
‏لوكان مفتاح السعاده بيده
ومن باعني بالرخص بالهجرأجازيه
‏وأن راح ياجعل الولي مايرده
‏واللي يصون الود بالروح نشريه
‏وأصير عونه لومشى الوقت ضده
‏وأن شفت صدره ضايق قمت سليه
‏واعطيه من ثوب السعاده مخده

مازعلت إلا بعد ماتماديت بخطاك..
تحسبني كل مره أبقبل لك عذر..
لو تقول ابي المفارق هذا دربه وجاك..
بس أنا بنصحك ياصاحبي وخلك حذر_
النظيف لامن عطيته يبين به "عطــــاك"_
والقذر مهما عطيته يبقى لك "قــــــذر"

قلت له سؤال
أعرب جملة أحبك موت والله ؟
ضحك وقال !
ضمير منفصل من قلب
خلــه ,,,
قلت .. أنا إعرابي عكس الكلام ,,,
هو ضمير نتصل تقديره إنت الكون كلــه !.

نفسي عزيزه وافهم العلم لاهنـت
الـذل مايـوم ٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
واذا الغلا يرجع على معرفة نت
انسى الذي بينـي وبينـك كتبتـه

الوقت قاسي والليالي بها هم..
والقلب يشكي ومالقينا مداويه.
والعين تبكي دمعها صار به دم
والجرح ينزف يشتكي من لياليه
(وش حيلة اللي لابغى شي ماتم)
سود الليالي في طريقه تعنيه!

حبك تركته والعذر فوق تابوت...
ناوي على جرح الكرامه وموتي...
ابي أبتعد عنك ولاترفع الصوت...
اسمع كلامي واحترم حس صوتي...
لاتحسب اني يوم فرقاك باموت...
عندي من اشكالك ثلاثين جوتي...

"كرمتو"

سو اللي براسك ولاتذكر اسباب
لاصرت بايعني توكل على الله
مابينى وبينك مشاريه وعتاب
شف دربن جيت منه تدله

ماراح تغلبنى لوالحب غلاب
من حضرتك عشان قلبى تذله
رح واعتبرنى واحد أذنب وتاب
مانى بثوب تلبسه ثم تمله

هذا القسا من مين قلي تعلمته
ماكان في يوم طبعن لك ولاشيمه
ياكم معي همن وحزنن تقاسمته
لازاد قحط القلوب تصيرلي غيمه
واليوم حتى علي صوتك تكاثرته
ماكن للعشره اللي بيننا قيمه..

والله لأخـــلي عزتك تحت ماطـــاي
تمشي وعينك ما تعــدا مواطيــك
أبيــك درس لكل خايـن ونســــاي
وافهمك قدرك وقيـــمة مباديــــك
واللـه لأهينك لين تبكي تبي رضاي
ذليل تكســـر عين منهـو يراضيـك

ماعاد له داعي تجيني ولا أجيك
مدام رحت وخاطرك طاب مني
ياصاحبي قلبي ترى اليوم ناسيك
خاب الرجا منك وخيبت ظني
غدرت بقلبك كان بالحيل يغليك
غرك كلامي العذب مع صغر سني
كنت احسبك سيفي اذا ضقت اناديك
أثر البلا سيفي هو اللي طعني...

.......

كلماااات مره حلوه

شكرااااااً دلوعه

شكلك تحبين الشعر.......